Источник: Забота. Арчы. — 2019. — Муус устар 11 к. — С.10
«Доҕордоһуу» ансаамбыл 50 сыла!
Муус устар 6 уонна 7 куннэригэр Тааттатааҕы «Доҕордоһуу» оҕо-үҥкүү норуодунай ансаамбыла үйэ аҥаардаах үбүлүөйүн Дьокуускай куорат култуурунай киин уораҕайдарыгар бэлиэтээтэ. Өрөспүүбүлүкэҕэ биир бастакынан 1969 сыллаахха тэриллибит ансаам- былы төрүттээччинэн Саха Өрөспүүбүлүкэтин култууратын үтүөлээх үлэһитэ Августина Федоровна Клакинова буолар. Быйыл үчүгэй үлэлээҕинэн өрөспүүбүлүкэҕэ биллэр “Доҕордоһуу” ансаамбыл үбүлүөйдээх 50 сылын туолла. Бастакы салайа- аччы Августина Клакино- ваттан саҕалаан, үгүс талааннаах хореографтар бу ансаамбылга үлэлээн аа- стылар, ансаамбыл хайа тэриллиэҕиттэн тохтообокко үлэлииригэр кинилэр дьулуурдара, дьоҕурдара, салайар талааннара улахан оруолу ыллаҕа. Би- лигин салайааччынан, уус-уран туруорааччынан Саха Өрөспүүбүлүкэтин култууратын туйгуна Ва-лентин Константинович Козлов үлэлиир. «Доҕордоһуу» ансаамбылга 12 көлүөнэ дьарыктаммыт буоллаҕына, Валентин Козлов бэйэтэ 5-с көлүөнэ иитиллээччитэ. Ансаам¬был көстүүмнэрин Вера Павлова эскиистээн тигэр. Дьокуускайга «дружба- лар» икки күн кэнсиэртээн соҕүүнү-махтайыыны, сэргэ көрөөччүлэр махталларын, тапталларын, киэн туттууларын уҕараабат ытыс тыаһын нөнүө биллилэр. Икки күн тухары сааланы «лыык» курдук мустубут дьон үҥкүү абы- лаҥар ылларан, олус дол- гуйан, үөрэн тарҕастылар. 50 сыл устата «Доҕордоһуу» оҕо-үҥкүү норуоду¬най ансаамбыла сүүһүнэн оҕону иитэн-үөрэтэн, кэрэ эйгэтигэр уһуйан дьылҕа- ларыгар бэлэх оҥордоҕо. Бу ансаамбылтан Саха Өрөспүүбүлүкэтин норуодунай артыыһа Афанасий Афанасьев, саха норуотун таптаан истэр ырыаһыттара Дарья Лаврова, Сахамин уо.д.а. үүнэн тахсыбыттара. Оҕо-аймах таптыыр ансаамбыла өссө да уһун сылларга ыччаты иитиигэ улахан оруоллааҕа саарбахтамматын 50 сыллаах үбүлүөй көрдөрдө.
Надежда АРГУНОВА.
КЛЮЧЕВЫЕ СЛОВА СТАТЬИ: