Источник: Ил тумэн. — 2019. — Муус устар 30 к. — С. 2

Нина Чигирева — Былатыан Ойуунускай аатынан бириэмийэ лауреата

Өрөспүүбүлүкэ Күнүн иннинэ, муус устар 25 күнүгэр үлэлиир салааларыгар ураты ситиһиилэммит дьоҥҥо судаарыстыба наҕараадаларын туттарыы буолан ааста.

Наҕараадаламмыттар ортолоругар П.А.Ойуунускай аатынан Судаарыстыбаннай бириэмийэ лауреатын аата Д.К.Сивцев — Суорун Омоллоон аатынан Опера уонна балет судаарыстыбаннай театрын опера сүрүн солисткатыгар, Россия үтүөлээх артыыскатыгар, СӨ народнай артыыскатыгар, М.Глинка аатынан норуоттар икки ардыларынааҕы куонкурус лауреатытар НИНА НИКОЛАЕВНА ЧИГИРЕВАҔА иҥэрилиннэ. Бу бириэмийэ өрөспүүбүлүкноруоттарын духуобунай сайдыытыгар, вокальнай уонна театральнай искусством ураты өҥөлөрүн уонна кылаатын, үрдүк ситиһиилэрин уонна өр сыллаах айар үлэтин бэлиэтээн ананна.

Чигирева Нина Николаевна 1954 с. сэтин- ньи 15 к. Амма оройуонун Эмис сэлиэнньэти- гэр төрөөбүтэ. Дьокуускайдааҕы музыкаль­ней училищены (1979), М.И.Глинка аатынан Новосибирскайдааҕы судаарыстыбаннай консерватория вокальнай факультетын (1987) бүтэрбитэ. Консерваторияны бүтэрэригэр Музыкальней театр труппатыгар үлэҕэ ылыл- лыбыта (билигин Опера уонна балет театра).

Бу сылларга ырыаһыт театр операны туруорууларыгар меццо-сопрано репертуарын барытын толордо: Сузу ки («Чио-Чио-Сан», Дж. Пуччини), Азучена («Трубадур», Дж.Пуччини), Маддалена («Риголетто», Дж. Верди), Мамаша Кураж (С.Кортес итинник ааттаах операта), Полина уонна Миловзор («Пиковая дама», П.Чайковскай), Ольга («Евгений Онегин», П.Чайковскай), Марина Мнишек («Борис Го­дунов», М.Мусоргскай), Кончаковна («Князь Игорь», А. Бородин), Любаша («Царская не­веста», Н.Римскэй-Корсаков) уо.д.а. Артыыска театр национальнай операларын репертуарын толорор. Кини арҕааҥҥы дойдулар, нуучча уонна саха композитордарын айымньы- ларыттан таҥыллыбыт баай кэнсиэрдиир бырагыраамалаах.

Ханна да ыллыы тахсыбытын иһин, Нина Чигирева Россия уонна омук дойдуларын: КНР, Монголия, Япония, Белоруссия, Литва, Франция, Швейцария, Австрия, Польша, Италия, Киргизия, Казахстан, АХШ уо.д.а. үгүс куораттарын сыаналарыгар сөхпүт- махтайбыт көрөөччүлэр ньиргиэрдээх ытыс таһыныыларынан доҕуһуолламмыта уонна кинилэр тапталларын ылбыта.

Музыкальней искусство сайдыы­тыгар үтүөлэрин иһин Нина Николаевна Чигиреваҕа СО үтүөлээх артыыһын, СО на­роднай артыыһын, РФ үтүөлээх артыыһын ааттара иҥэриллибиттэрэ. Кини Норуоттар доьордоһууларын уордьанынан, «Гражданскай килбиэн” бэлиэнэн наҕараадаламмыта. СО театральнай деятеллэрин Сойууһун чилиэнэ.

Күндү Нина Николаевна, Д. К. Сивцев — Су­орун Омоллоон аатынан Опера уонна балет те­атрын кэлэктиибин уонна биһиги редакциябыт ааттарыттан Платон Алексеевич Ойуунускай аатынан СӨ Судаарыстыбаннай бириэмийэтин лауреатын үрдүк аата анаммытынан эйигин ис сүрэхпититтэн эҕэрдэлиибит! Эйиэхэ уон­на чугас дьоҥҥор чэгиэн доруобуйаны, дьиэ кэргэҥҥэр дьолу, табыллыыны уонна этэнттэ буолууну айар дьарыккар сана ситиһиилэри баҕарабыт!

КЛЮЧЕВЫЕ СЛОВА СТАТЬИ: