Саха «КВН» оонньуута

Источник: Бэлэм буол. — 2019. — Муус устар 11 к. — С.2


Саха «КВН» оонньуута

Соторутааҕыта Дьокуускай куоракка Оҕо айымньытын дыбарыаһыгар Өрөспүүбүлүкэтээҕи Саха “КВН” оонньуутун финала буолла. Манна 10 бастыҥ хамаанда күөн көрүстэ:  Уус Алдан Тумулуттан “Алаас-Вегас”, Эбээн Бытантай Саккырыырыттан “Кэкэйикэ”, Мэҥэ Хаҥалас Маттатыттан “Абы- тайдар”, Нам Хатыҥ Арыытыттан “Мааркыс”, Сунтаар улуустааҕы гимназиятыттан       “Дьүкээбил уоттара”, Сунтаар 2 №-дээх орто оскуолатыттан “Шахмат”, Бүлүү Халбаакытыттан “Муммуттар”, Дьокуускайдааҕы оҕо дыбарыаһын кииниттэн “Үрдэл”, Таатта Туора Күөлүттэн “Дьүлэй дьээбэлэрэ”, Нам 2 №-дээх орто оскуолатыттан “Оҕолор”.

Саала иһэ үөрбүт-көппүт дьонунан туолла. Күрэс олус көрдөөхтүк ааста. Оонньуу түмүгүнэн “Мааркыс” хамаанда кыайыылаах аатын суктэ.

Саха “КВН” оонньуута Геннадий Охлопков, Саха Өрөспүүбүлүкэтин “Дьулуур” оҕо хамсааһынын бэрэссэдээтэлэ:

— Быйыл Саха “КВН” оонньуутун финала номнуо XIX төгүлүн ымтылынна. Ыччаты сайыннарар, иитэр-үорэтэр сыаллаах үлэлиибит. Манна сүрүннээн орто саастаах оҕолор кыттыыны ылаллар. Финалга оонньуу үөрүйэх, Саха “КВН” тиэхиньикэтин баһылаабыт хамаандалар кэлэн күрэхтэһэллэр. Кэлиҥҥи кэмҥэ бэлиэтээн көрөр буоллахха, оҕолор бэйэ-бэйэлэрин кытта доҕордоһор, алтыһар буолбуттар. Онон биһиги күрэспитин “доҕордоһуу түһүлгэтэ” диэн сыаналыыбыт. Оҕолор кэлиҥҥи кэмҥэ Саха “КВН” оонньуутун интэриэһиргээн, ким даҕаны күһэйиитэ суох, бэйэлэрин баҕаларынан күрэсю кэлэр буоллулар.

Егор Другин, хамаанда оонньооччута:        

— КВН эйгэтигзр саҥа киирбит буолан, миэхэ барыта сана, солун. Күрэстэргэ кыттаи үгүс доҕоттордоннум, атын хамаандалар хайдах оонньуулларын көрөн элбэхэ үөрэнним.

Вероника Винокурова, “Мааркыс” хамаанда оонньооччута:

— КВН эйгэтигэр быйыл сана киирдим. Олус күүстээх хамаандалар кэлбиттэр диэн бэлиэтии көрдүм. Салайааччыларбыт Михаил Михайлович Слепцов уонна Мотрена Егоровна Винокурова, Быйылгы оонньуу кыайыыбуолбуппутутүөрүүбүт мунура суох.

Анна ЗАХАРОВА



КЛЮЧЕВЫЕ СЛОВА СТАТЬИ: